Ég sé fyrir mér..

... mig sem litla stúlku að leika mér heima, það er kveikt á útvarpinu og lagið Ebony og Ivory hljómar. Ég sé mömmu eða pabba fyrir mér koma hlaupandi og slökkva á þessum fjanda og setja á almennilega tónlist. Sem betur fer var ég alin upp af foreldrum sem kunna að meta góða tónlist og heima hjá mér var miklu frekar hlustað á svona tónlist og líka þetta .

Ekki þessa þvælu .

 Sem betur fer.

„Ebony & Ivory“ valinn versti dúett sögunnar

Allir dansa núna

Ég er búin að hlæja mikið... þetta er skemmtilegt

http://youtube.com/watch?v=RawYn_OdSZ0

Sjúkir neytendur

Mér finnst svo óforskammað hvað bankarnir eiga rassgatið á þorra landsmanna. Þetta er svo óeðlilegt og ég geri hvað sem ég get til að taka ekki þátt í þessari vitleysu.  Hugsið ykkur bilunina, í hvert skipti sem þið notið debetkortið ykkar er skráð hvað þið voruð að kaupa og hvenær.  Mér líst ekkert á þetta.

Mér finnst líka slæmt að vita til þess að dóttir mín getur fengið debetkort, þá getur bankinn farið að skrá hennar ferðir og eyðslu líka. Hún er 12 ára og ég er búin að segja henni það að hún fái ekki debetkort. Að sjálfsögðu er ég eina mamman í heiminum sem er svona leiðinleg

En ekki sleppur maður. Ég er með lán hjá íbúðalánasjóði og án þess hefði ég ekki getað keypt íbúðina mína. Ég er líka með námslán, því án þess hefði ég ekki getað klárað skólann. Og ég er með debetkort,,, en ég er ekki með heimild og neita að fá mér hana. Ég fékk líka undarlegt augnaráð þegar ég fór í bankann og bað um að kortinu yrði breytt í síhringikort, þau fara víst í taugarnar á fólki þegar mikið álag er á kerfinu og biðin við kassan í Bónus getur orðið ansi löng. Mér er sama, ég fer þó síður yfir á kortinu. Ég er ekki með eitt einasta neyslulán og kaupi mér ekkert nema ég hafi efni á því, ég safna mér fyrir því sem mig langar í.

Bankarnir græða því ekki mikið á mér

Ég tók hinsvegar vel eftir þeim í skólanum og Landsbankinn borgaði einhvern tíma fyrir nemendafélagið grillveislu og bjór eina Laugarvatnsferðina... pínu spes

Bankarnir berjast um nemendur

Þið þarna...

fíkniefna smyglarar og fíkniefna salar. Gott á ykkur

Tugir kílóa af fíkniefnum í skútu í Fáskrúðsfjarðarhöfn

Nýbúi

Ég er splunkuný hérna. Veit ekkert hvort ég haldi hérna áfram en blog.central fokkaði eitthvað í síðunni minni og ég nenni ekki að eiga við þá síðu meir. Er bara frekar fúl. Sjáum til hvernig þetta gengur...